Фото: montsame.mn
17 қаңтар күні 83 жасқа қараған шағында Моңғолияның тұңғыш президенті Пунсалмаагийн Очирбат қайтыс болды. Қаралы хабарды жергілікті БАҚ жеткізді, , деп хабарлайды Тodayinfo ақпараттық порталы.
Ол 1942 жылы 23 қаңтарда Завхан аймағында дүниеге келген. Ленинградтағы тау-кен институтының түлегі, техника ғылымдарының кандидаты. Саяси мансабында сыртқы істер министрі, экономика министрі, Ұлы халық хуралының төрағасы қызметтерін атқарды. 1990 жылы Моңғолияның бірінші президенті болып сайланып, елді 1997 жылға дейін басқарды.
Ол өкілеттік мерзімі аяқталғаннан кейін саясаттан кетіп, кедейлікпен күресетін коммерциялық емес «Очирбат» қорын құрды. Сондай-ақ Моңғолия Конституциялық сотының мүшесі қызметін атқарды.
Айта кетсек, 2023 жылдың 14 қыркүйегінде Молдованың тұңғыш президенті Мирча Снегур өмірден озған еді.
