Фото:
Таиландта бір жынысты некені заңдастыру туралы заң күшіне енді, деп хабарлайды Тodayinfo ақпараттық порталы.
Таиланда бұл заң жобасы былтыр ұсынылды. Биыл Таиланд корольдігі үкіметі мен парламенті мақұлдап, королі қол қойды.
«Сіз қай жыныстың өкілі болсаңыз да, кімді жақсы көрсеңіз де, махаббат шекараны білмейді. Барлығының құқығы бірдей заңмен қорғалады», – дейді елдің премьер-министрі Пхэтхонгтхан Чиннава.
Заңда бұрынғыдай ер мен әйел жынысты екі адам емес, екі тұлға некелеседі деп жазылған. Бір жынысты жұптар бала асырап алуға құқылы. Заң жұптардың ортақ мүлкіне иелік ету мәселесін де реттейді. Осылайша Таиланд – Оңтүстік-Шығыс Азияда бір жынысты некені заңдастырған алғашқы мемлекет болды.
