Ресейлік актер Михаил Ефремов «құпия форматта» шартты түрде мерзімінен бұрын босату туралы өтініш білдірді. SHOT дереккөзіне сүйенсек, бұл мәселе алдағы екі апта ішінде қарастырылмақ, деп хабарлайды Тodayinfo ақпараттық порталы.
Актердің басты дәлелдері:
🔹 Денсаулық жағдайы – Ефремов жүрек, өкпе проблемалары мен көру қабілетінің нашарлауына сілтеме жасаған.
🔹 Түзету мекемесіндегі тәртібі – ол күнделікті цехта жұмыс істеп, тұтқындарға форма тігумен айналысады және жұмыс жоспарын орындайды.
🔹 Өкіну және түзелу – колония аумағындағы шіркеуге барып, діни рәсімдерге қатысатынын атап өткен.
🔹 Өнерді насихаттау – тұтқындармен бірге художестволық қойылымдар ұйымдастырып, шығармашылыққа баулып жүр.
🔹 Тәртіп бұзушылықтарды қайта қарау – бұрын алған ескертулері мен тәртіп бұзушылықтарын түсініп, қателіктерін мойындағанын айтқан.
Актердің адвокаты жаңа жыл қарсаңында өтініш беруді жоспарлаған, бірақ қоғамдағы дүрбелеңге байланысты 2025 жылға қалдырған.
Ефремовтің шартты түрде мерзімінен бұрын босатылу өтініші қанағаттандырыла ма, жоқ па – бұл алдағы сот шешіміне байланысты.
