Жетісу облысы Текелі қалалық сотында денсаулыққа жеңіл зиян келтіру және жануарларға қатыгездік көрсету баптары бойынша үш адамға қатысты қылмыстық іс қаралды.
Оқиғаның мән-жайы
Оқиға қыркүйек айында орын алған. К., С., және П. есімді ер адамдар ішімдік ішіп, өзара уақыт өткізіп жатқанда, жолда М. есімді азаматты кездесіріп, оларға қосылуды ұсынады. Дастархан басында олардың арасында жанжал туындап, төбелеске ұласады. Нәтижесінде, жәбірленуші М. дене жарақаттарын алған. Жанжалдан кейін К. және С. жәбірленушінің итін өлтіріп, етінен тамақ дайындауға шешім қабылдайды. Олар итті ваннаға апарып өлтірген, бірақ кейін оның етін пайдаланудан бас тартқан.
Сот үкімі және шешім
Жәбірленуші М. айыпталушылармен татуласқанына және келтірілген зиянның өтелуіне байланысты қылмыстық істі тоқтатуды сұрады. Айыпталушылар өз кінәларын мойындап, істегендеріне өкінетіндерін жеткізді. Сот жәбірленушінің өтінішін ескеріп, С. және П.-ға қатысты қылмыстық істі тоқтатты. Алайда К.-ге қатысты іс оның ісі бұған дейін бір рет тоқтатылғандықтан, заңнамаға сәйкес, тоқтатылмады. Сот К.-ге жеңілдетілген мән-жайларды ескеріп, бір жыл мерзімге бас бостандығын шектеу жазасын тағайындады.
Сот үкімі заңды күшіне енді.
