Фото: ru.freepik.com
Бүгінде көптеген ата-ана баласының қолындағы магниттей тартып тұрған смартфонның құдіреті алдында дәрменсіздік танытып жатады. Дегенмен баланы гаджетке тәуелділіктен оп-оңай жол бар екені анықталып отыр, деп хабарлайды Todayinfo агенттігі
Мәселені балаға смартфон ұстауға тікелей тыйым салумен емес, «ауыстыру әрекеті» әдісімен шешуге болады. Яғни, гаджетті бала қолынан тартып алғанның орнына, оның қызығушылығына сай балама ұсынылады.
Алдымен баланың назарын аударатын, қызықты әрекеттердің бірнеше түрін алдын ала дайындап алған дұрыс. Ондай әрекеттерге жаңа конструкторлар, қызықты кітаптар, шығармашылыққа арналған жиынтықтар немесе үстел ойындары жатуы мүмкін.
Ата-ана баланы мұндай істерге біртіндеп, елеусіз түрде тарта бастайды. Ересек адамның ойынға деген шынайы қызығушылығы балаға да бірден берілетінін ұмытпаңыз.
Біртіндеп ортақ ойынға бөлінетін уақыт ұлғая түсуі тиіс. Осы кезеңде смартфонды пайдалану уақыты біртіндеп, күн сайын бірнеше минутқа қысқартылады.
Бұл жерлегі аса маңызды нәрсе – гаджетті марапат немесе жаза ретінде қолданбау қажет. Яғни, баланың тәртібі немесе міндетін орындауы смартфонға тікелей байланысты болмауы тиіс.
Үйде «экраннан бос» арнайы аймақтар белгіленеді. Мысалы, ас үстелі немесе жатын бөлмеде бүкіл отбасыға ортақ ереже қолданылады.
Ата-ананың өзінің үлгі болуы шешуші фактор болмақ. Егер ересектер өздері де телефоннан көз алмай отырса, баланы одан бас тартуға үгіттеу қиынға соғады.
Сондай-ақ гаджетсіз өтетін ерекше сәттерді дәстүрге айналдыру қажет: бірге серуенге шығып, ұйықтар алдындағы кітап оқып, кешкілік үстел ойындарын ойнау сияқты тұрақты әрекеттер жаңа әрі пайдалы әдеттерді қалыптастырады.
Балаға экран алдында өткізетін уақыттың азаюы қалай әсер етіп жатқанын бірге талқылаңыз. Ұйқының жақсаруы, жаңа қызығушылықтардың пайда болуы сынды жағымды өзгерістерге назар аудартыңыз.
Бұл тәрбиеде ата-ананың басты серігі – төзім мен тәртіптен ауытқымау. Өзгерістер бірден емес, біртіндеп, қадам сайын жүзеге асатынын естен шығармаңыз.
Нәтижесінде, баланың телефон немесе теледидар экраны алдындағы уақытын қысқартумен қатар, бос уақытын да үйлесімді өткізе аласыз. Бала шынайы өмірден де қуаныш табуды үйренеді, ал отбасы арасындағы қарым-қатынас берік бола түседі.
Ақпарат көзі: Аlmaty.tv.
