Вьетнамның әйгілі Халонг шығанағында туристер мінген Wonder Sea кемесі аударылып, 34 адам көз жұмды деп хабарлайды Todayinfo VnExpress басылымына сілтеме жасап.
Қайғылы оқиға қалай болды?
Апат 19 шілдеде күндіз Дау Го үңгіріне жақын маңда болған. Круиздік кемеде 48 жолаушы мен 5 экипаж мүшесі болған. Жолаушылардың басым бөлігі – Ханой қаласынан келген вьетнамдық отбасылар, олардың арасында 20-дан астам бала мен жасөспірім болған.
Алдын ала мәлімет бойынша, кемені кенеттен басталған дауыл аударып жіберген. Оқиға орнына құтқару қайықтары мен әскери күштер шұғыл жеткен.
Құтқару жұмыстары және аман қалғандар
Құтқарушылар 11 туристі тірі алып шыққан. Тағы 8 адам із-түзсіз жоғалғандар қатарында. Тірі қалғандар арасында 14 жастағы жасөспірімнің оқиғасы таңғалдырды. Ол кеменің жартылай суға толған қайық каютасында 4 сағат бойы шыдап тұрған.
«Кеме аудалғанда каюта жабық болған, бірақ 50–60 см шамасында ауа кіретін саңылау қалыпты. Соның арқасында бала тірі қалған», – деп жазады VnExpress.
Іздеу жұмыстары жалғасуда
Ауа райының қолайсыздығы – толассыз жаңбыр мен түнгі уақыт – құтқарушылар жұмысына елеулі кедергі келтіруде. Жоғалған жолаушыларды іздеу шаралары жалғасып жатыр.
Халонг шығанағы — әлемдік туризм нүктесі
Халонг шығанағы — UNESCO мұралар тізіміне енген, Вьетнамдағы ең танымал туристік бағыттардың бірі. Мұндай ірі апат аймақта соңғы жылдары алғаш рет тіркеліп отыр.
