2025 жылдың 5-6 сәуірінде еліміздің түкпір-түкпірінен келген жастардың басын қосқан TEO CUP XIV республикалық дебат турнирі өз мақсатына жетіп, жоғары деңгейде өтті. Бұл іс-шара ел аумағында интеллектуалдық пікірталас пен білімге деген сұранысты арттырды, ал жеңімпаздар ақшалай сыйлықтар марапатталды.
Турнирге еліміздің 8 аймағынан: Алматы, Тараз, Шымкент, Ақтөбе, Астана, Қарағанды, Атырау және Семей қалаларынан келген пікірсайысшылар қатысты. Ауқымды пікірсайыс алаңында 92 команда, 184 қатысушы бақ сынап, өз білімдерін, шешендік шеберліктерін және сыни ойлау қабілеттерін көрсетті. Турнирге 500-ден астам көрермен қатысып, белсенді қолдау білдірді.
Осындай ауқымды жобаның сәтті жүзеге асуына бір ғана ұйымдастыру жеткіліксіз екені анық. Іс-шараның жоғары деңгейде өтуіне, қатысушылардың шабыттанып, жеңімпаздардың бағалы сыйлықтарға ие болуына бірқатар демеушілер мен серіктестердің қолдауы ерекше әсер етті.
Демеушілер мен серіктестер:
- Нархоз Университеті — еліміздегі ең жетекші оқу орындарының бірі болып табылатын Нархоз Университеті турнирдің білім беру және пікірсайыс мәдениетін дамытуда маңызды рөл атқарды. Университет өз студенттерін, оқытушыларын және барша білім алушыларын интеллектуалдық сайыстарға тартуды мақсат етіп қойып, бұл шараны ұйымдастыруға үлкен қолдау көрсетті.
- QAZAQ_DEBATE — пікірсайыс мәдениеті мен қазақ дебатын ұлттық деңгейге шығаруды мақсат еткен маңызды ұйым. QAZAQ_DEBATE осы іс-шара арқылы еліміздегі жастардың өз ойын нақты, сенімді әрі мәдениетті түрде жеткізе білуі мен сыни ойлау дағдыларын нығайтуға үлкен үлес қосты.
- Шапан Нұр
- Кайдзен – Ғани Байғалиұлы
- Ideal Ustaz
- Keremet Food — дайын тағамдар өндіруші компания.
- Degusto Coffee — кофехана желісі.
- Voucher — Nomad_empire_academy
Бұл ұйымдар мен кәсіпкерлердің қолдауымен TEO CUP XIV турнирі жоғары деңгейде ұйымдастырылып, қатысушыларға білім мен құндылықты арттыратын мүмкіндіктер ашылды.
TEO CUP XIV жеңімпаздары мен сыйлықтар:
Альфа лигасы жеңімпаздары:
- Хан Тәңірі — 300 000 теңге, Умра сапарына 2 сертификат
- Массагет — 200 000 теңге, «Шапан Нұр» брендіне 20% жеңілдік, «Кайдзен» кітабы (2 дана)
- Old School және Әділетті Қазақстан — 100 000 теңге (әрқайсысы), «Шапан Нұр» брендіне 10% жеңілдік, «Кайдзен» кітабы (4 дана)
Бетта лигасы жеңімпаздары:
- Аласапыран — 100 000 теңге, Түркия сапарына 2 сертификат
- Veni Vidi Vici — 60 000 теңге, «Шапан Нұр» брендіне 10% жеңілдік, «Кайдзен» кітабы (2 дана)
- Ирина Кайратовна және Dragonlore — 30 000 теңге (әрқайсысы), «Шапан Нұр» брендіне 10% жеңілдік
Жеке номинациялар:
- Ең үздік спикер — Әлібек Сандыбек (80 000 теңге)
- Үздік спикер — Азамат Арынов (40 000 теңге)
«Миллион кімге бұйырады?» интеллектуалдық ойыны
TEO CUP XIV аясында ұйымдастырылған тағы бір ерекше шара — «Миллион кімге бұйырады?» атты интеллектуалдық ойыны болды. Қатысушылар логика, эрудиция және жылдам ойлау қабілеттері бойынша сыналып, тартысты ойын нәтижесінде Сапарғали Батыржан жеңімпаз атанды.
Оған Түркия еліне жолдама табысталды. Бұл жеңіс – оның терең білімі мен зеректігінің дәлелі.
TEO CUP XIV турнирі – бұл пікірсайыс мәдениетін нығайтуға, жастардың сыни ойлауын дамытуға, көшбасшылық қабілеттерін қалыптастыруға бағытталған маңызды қадам болды. Іс-шара жоғары ұйымдастырушылық деңгейде өтіп, еліміздегі интеллектуалды жастар үшін үлкен серпін берді
