Алматы облысында көпқабатты тұрғын үйдегі пәтерлердің бірінің терезесін жуып жатқан әйел көз жұмды. Желідегі ақпаратқа сүйенсек, ол биіктен құлап кеткен, деп хабарлайды Todayinfo ақпарат порталы.

Бұл туралы @youralmaty Telegram-арнасы жазды. Оқиға бүгін 15 наурыз күні Бесағаш ауылында болған. Алдын ала деректер бойынша, 41 жастағы әйел терезе жуып жатқан кезде абайсызда 10-қабаттан құлап кеткен. Өкінішке қарай, ауыр жарақат алған әйел оқиға орнында көз жұмды.

Қазіргі уақытта оқиғаның барлық мән-жайы анықталуда.