Фото: Tengrinews.kz
Бас көлік прокуратурасы еліміздің көлік саласындағы басты мәселелердің бірі – білікті мамандардың жетіспеушілігі екенін мәлімдеді, деп хабарлайды Тodayinfo ақпараттық порталы.
«Мәселен, 2019 жылы болған «Bek Air» авиакомпаниясының ұшағы апатының ұзаққа созылған тергеуі кезінде анық байқалған. Тергеу 5 жылдан астам уақытқа созылған, себебі Көлік министрлігінің авиациялық оқиғаларды тергеу басқармасында жұмыс істейтін 6 тергеушінің тек біреуі ғана жеткілікті тәжірибеге ие болған. Қазақстанның авиациялық әкімшілігі де маман тапшылығымен бетпе-бет келген. Осыған байланысты Бас көлік прокуратурасы бірқатар ұсыныстар жасап, нәтижесінде Көлік министрлігі 2024 жылы қызметкерлерінің біліктілігін арттыру үшін шетелде тағылымдама ұйымдастыруға және тергеушілер штатын қайта жасақтауға кіріскен», — деп хабарлады Бас көлік прокуратурасы.
Бұл шаралар өз нәтижесін беріп, соңғы уақытта, атап айтқанда, Ақтау маңындағы Әзербайжан әуе компаниясы ұшағының апатын тергеу сапасына оң әсерін тигізген.
