Әлеуметтік желіде мәслихат депутатқа алданғанын айтқан әйел видеоүндеу жасады, деп хабарлайды Todayinfo.kz ақпарат агенттігі.
Айтуынша, ол Президент Қасым-Жомарт Тоқаевтың атын жамылған Талдықорған қаласындағы Жетісу аудандық мәслихат депутаты Жарылқасын Болатұлынан коммерциялық нысан сатып алған. Ақшасын банк арқылы толық аударғанымен, ғимарат атына әлі күнге дейін тіркелмеген. Керісінше, нысанды басқа адамдар иемденіп, жөндеу жұмыстарын бастап кеткен.
«Біз Президент Қасым-Жомарт Тоқаевтың атын жамылған депутатқа алдандық. Мына артымда тұрғант коммерциялық нысанды сатып алдым, бірақ тек банк жүзінде ғана, ақшасын құйдым, әлі күнге дейін қолымда құжаттары бар, алайда ғимарат атыма әлі аударылған жоқ. Мән беріп қарасаңыздар ғимаратты басқа адамдар иемденіп алған, жөндеу жұмыстарын жасап жатыр. Ал мен ақшасын төледім, бірақ атымда ешқандай нысан жоқ. Бұл ғимаратты сатқан халық қалаулысы Талдықорған қаласында Жетісу аудандық мәслихат депутаты Болатұлы Жарылқасын. Енді сіздерден максималды түрде көмек сұраймыз. Бұл кісі өз мансабын асыра пайдаланып бізді алдап кетіп отыр. Бұл кісінің үстінен Қазақстан Республикасының қылмыстық кодексінің 190-бабы, 4-бөлімі, 2-тармағына сәйкес Медеу аудандық прокуратурасында іс қозғалды», — деп ашынды келіншек.
Айта кетейік, бізге дейін де алданған адамдар өте көп. Қазіргі таңда олар бұл кісінің депутат екенін білгендіктен, ешқандай нәтиженің шықпайтынын түсінгеннен кейін арыз жазбай отыр.
Айта кетейік, депутатсымаққа алданған адамдар аз болмай шықты. Халық қалаулысы біраз адамның сеніміне кіріп, қалтасын қаққан болып шықты.
«Менің қасымда тағы бір әйел бар, ол 10 миллион теңгеге алданып отыр. Ал мен 130 млн теңгеге алданып отырмын.Қаншама халықты алдаған адам депутат болуға лайық емес. Мен жылдар бойы жинаған ақшамды салып, кәсібімді дөңгелетемін деген кезде, әп-сәтте ақшамды алып, үйді бермей отыр. Қазір бала-шағаммен далада жүрмін. Тіпті қақпасынан да кіргізбейді, бірақ бұл үйдің түпнұсқа құжаттары менің қолымда тұр. Депутаттығын пайдаланып, бізді осылай басынып отыр», — деді әйел.
Арызданушының айтуынша, Болатұлына алданып қалғандар көп, бірақ ол депутат болғандықтан, көбі арызданудан қорқып отыр. Қазір күдіктіге қатысты ҚР Қылмыстық кодексінің 190-бабы (алаяқтық) бойынша іс қозғалған.
Фотоколлаж: Todayinfo.kz
@1din4nolПрикрывается именем нашего президента Касым — Жомарт Кемеливич Токаев и обманывает простой народ на не малые суммы , прошу принять меры и помочь , отмечайте всех , все новостные порталы , государственные органы , народ просим у вас помощи , помогите продвинуть чтобы создать резонанс♬ оригинальный звук — МОШЕННИК ДЕПУТАТ ❗️
