Қазақстандық танымал трансгендер тұлға Никонет әлеуметтік желіде өзінің жеке өміріне қатысты ашық мәлімдеме жасап, қоғамда қызу талқыға түсті. Ол бұрынғы сүйіктісінің жоғары лауазымды шенеунік, нақтырақ айтқанда, министр болғанын алғаш рет жария етті. Бұл мәлімдеме көп ұзамай желіден өшірілгенімен, қоғамдық пікірде үлкен резонанс тудырды,,деп хабарлайды Todayinfo.
Министрмен алты айлық қарым-қатынас
Никонет өз жазбасында аталған министрмен алты ай бойы кездескенін, бұл кезеңде ер адамның оның көңілін табу үшін елеулі қаржылық және моральдық қолдау көрсеткенін жеткізді:
«Менің бұрынғы сүйіктім министр болған. Осы күнге дейін ол туралы ешкімге тіс жармадым. Ол үйленбеген. Мен де отбасылы еркектермен байланыспаймын. Алты ай бойы мен үшін барын салды. Миллиондап ақша жіберіп, гүлдер мен сыйлықтар берді. Бәрі ертегіге ұқсады. Бірақ жүрекке әмір жүрмейді».
Мұндай мәлімдеме алғаш рет жасалғандықтан, ол қоғам назарына тез ілікті. Никонет бұған дейін жеке өмірі туралы көпшілікпен ашық бөліспейтін.
Билік пен шынайылық: маска артындағы шындық
Жазбаның жалғасында Никонет жоғары лауазымды адамдардың шынайы болмысы туралы өз пікірін білдірді. Оның айтуынша, билік иелері жиі маска киеді, яғни шынайы мінез-құлқын жасырады:
«Мен енді батылдық танытып, көпшілік айтпайтын шындықты жеткізгім келеді: Адамда билік көп болса, ол соғұрлым ішкі қараңғылығын жасыруға тырысады».
Ол сондай-ақ жоғары лауазымды қызметкерлердің сырт көзге беделді көрінгенімен, жеке өмірде мүлде басқа қырынан танылатынын меңзеді.
