Бүгін Түркістан облысы қоғамдық даму басқармасының басшысы Ерлан Күзембаев Бұқаралық ақпарат құралдары қызметкерлері күніне орай журналистерге арнаған құттықтауын жариялады, деп хабарлайды Todayinfo ақпараттық агенттігі.
– Құрметті ақпарат майдангерлері! Сіздерді кәсіби мерекелеріңіз – Бұқаралық ақпарат құралдары қызметкерлері күнімен шын жүректен құттықтаймын! Қоғамға шынайы ақпарат таратып, халық пен билік арасындағы алтын көпір болып жүрген еңбектеріңіз өлшеусіз, – деді басқарма басшысы.
Ерлан Күзембаев өз сөзінде журналистердің қоғамдағы рөлі ерекше екенін атап өтті. Ол қалам иелеріне шығармашылық шабыт, мықты денсаулық пен қажымас қайрат тіледі.
– Сөздің құдіретін ардақтап, жаңалықтың жаршысы болып жүрген Сіздерге алғысымыз шексіз. Қаламдарыңыз мұқалмасын, көрермендеріңіз бен оқырмандарыңыз көбейе берсін! – деді ол.
Айта кетейік, Қазақстанда маусым айының соңғы жексенбісі Бұқаралық ақпарат құралдары қызметкерлерінің күні ретінде аталып өтеді. Бұл – халықты ақпаратпен қамтамасыз етіп жүрген тілшілер мен редакциялық ұжымдарға алғыс білдірудің, еңбектерін бағалаудың бір көрінісі.
Түркістан облысында журналистика саласында тынбай еңбек етіп жүрген елге танымал азаматтар аз емес. Олардың өңірдің дамуына үлес қосып, халықтың проблемаларын билікке жеткізіп келеді.
