«Ақниет Holding» толық өндірістік циклі бар отандық жиһаз компаниясы. «Ақниет Holding» жиһаз өндіруші зауыты Түркістан қаласындағы шағын индустриялық аймақ аумағында орналасқан,деп хабарлайды Todayinfo ақпараттық агенттігі.
Кәсіпорында 97 адам жұмыс істейді. Мұнда жылына 34 мың жиһаз және 24 мың мектеп партасы жасап, шығарылады. Бұл жоба ішкі нарықтың сұранысын қанағаттандырып қана қоймай, Қазақстанның экспорттық әлеуетін кеңейтуге ықпал етпек. Зауытта бір күнде 1200 комфорттық мектептерге арналған парталар мен орындықтар, жоғары сапалы және стильді дизайнмен ерекшеленетін кеңсе шкафтары,
медициналық мекемелерге жатын орындар, реанимациялық палаталарға арналған құрал жабдықтармен орындықтар, тағы да басқа жиһаздарды шығарады.
«Ақниет Holding» шығаратын өнімдер мектеп, аурухана, мемлекеттік мекемелер мен тағы да басқа саланы қамтып отыр.
Түркістан облысының әкімі Дархан Сатыбалды жергілікті кәсіпкерлермен еркін форматта кездесті. Өңірдің кәсіпкерлік саласындағы өзекті мәселелер бойынша пікір алмасып, облыстың әлеуметтік-экономикалық жағдайының дамуына өз әсерін тигізетін жаңа жобалармен таныстыру мақсатында өткен басқосуда жас кәсіпкерлер облыс аумағында атқарып жатқан жұмыстарының барысымен және алдағы жоспарларымен бөлісті.
Жас кәсіпкерлер құрылыс, логистика, фармацевтика салаларына инвестиция салуға ниетті. Сондай-ақ Түркістан қаласындағы өндірістік паркте орналасқан жиһаз шығаратын кәсіпорын бағытын кеңейтуді жоспарлауда. Облыс әкімі Дархан Амангелдіұлы кәсіпкерлердің инвестициялық жобаларын толық инфрақұрылыммен қамтамасыз ету бойынша және мемлекет тарапынан қажетті қолдау жұмыстары атқарылатынын жеткізді.
— Қазіргі уақытта кәсіппен айналысуға мүмкіндіктер өте көп. Біз кәсіпкерлердің бизнес идеялары мен старт-ап жобаларын іске асыруға жан-жақты қолдау көрсетуге дайынбыз. Ол үшін барлық мүмкіндіктер бар. Өңірдің өзіндік кірістерін көтеруге жұмыла еңбек етуіміз керек. Жаңа жұмыс орындарын ашу өте маңызды. Соңғы жылдары елімізден шетелге жұмыс істеу үшін барғандар саны артуда. Сондықтан бізге экономиканы дамыту бағыттарын өзгертіп, жұмысты күшейту маңызды. Жастарымыз өте еңбекқор. Оларға өз өңірімізде ашылған зауыт — фабрикаларда еңбек етуіне жағдай жасағанымыз дұрыс. Мақсатымыз – Түркістан облысының жалпы өңірлік өнім көлемін екі есе арттыру. Экономиканы диверсификациялап, жұмыс орындарын ашу, өзіндік кіріс көздерін ұлғайтуға күш саламыз, – деді Дархан Сатыбалды.
Қазіргі таңда өнімнің сапасын арттыру мақсатында роботатехникалар Қазақстан азаматтары үшін Еуро стандартқа сай ұзақ уақыт жұмыс істейтін жиһаздар шығарады. Жасалып жатқан әр жұмыс роботтарға компьютер арқылы тапсырма беру арқылы жасалады. Кәсіпорын басшылығы бір робот 8 сағатта 20 адамның жұмысын атқарып отырғанын айтты.
«Жиһазға қажетті өнімнің барлығы Қазақстаннан шығады. Біздер қазір Еуро стандартты партаны шығару үстіндеміз, яғни жаңартылған парта. Әрбір өнім жіті бақылаудан өткен соң қоймаға жөнелтіледі. «Ақниет Holding» толық өндірістік циклі бар отандық жиһаз компаниясы — Қазақстандағы ең алғашқы роботтық технологиямен жабдықталған алғашқы өндіріс кешені»,-дейді «Ақниет Holding» компаниясының басшысы Омар Бақтыкерей.
«Ақниет» холдингі – әлеуметтік бағдарламалар мен бастамаларға белсенді қатысатын Қазақстандағы ірі компаниялардың бірі. Сондай бағдарламалардың бірі – «Жайлы мектеп».
«Жайлы мектеп» бағдарламасының мақсаты — мектепте балалардың оқуы мен дамуы үшін қолайлы жағдай жасау.
«Жайлы мектеп» бағдарламасына қатысуымыз компанияның негізгі әлеуметтік бастамаларының бірі болып табылады. Осы бағдарламаның арқасында Қазақстандағы көптеген балалар сапалы білім алып, қолайлы жағдайда дамуға мүмкіндік алады»,-деп хабарлайды «Ақниет Holding» зауытының баспасөз қызметі. Қазіргі таңда Қазақстанда «Жайлы мектеп» жобасы аясында көптеген мектептер бой көтеруде. Аталған мектептерді сапалы жиһазбен «Ақниет Holding» компаниясы қамтамасыз етеді. Жайлы мектепке арналған функционалды және стильді жиһаз бөліктері жайлы оқу ортасын құру үшін өте қолайлы.
Берік ағаш үстелі, металл жақтауы және ыңғайлы сақтау сөресі бар парта оқушыларға барынша ыңғайлылықты қамтамасыз етеді. Әмбебап шкаф берік құрылымы мен ыңғайлы сөрелерінің арқасында оқу материалдарын ұқыпты ұстауға көмектеседі.
Зауыт озық роботтық жүйелерді пайдаланудың арқасында автоматтандырудың жоғары дәрежесімен ерекшеленеді. Бұл дәлдіктің ең жоғары деңгейіне жетуге, өнімділікті арттыруға және жиһаздың үздіксіз сапасын қамтамасыз етуге мүмкіндік береді.
Зауыт қызметкерлерінің айтуынша роботты өндірістің артықшылықтары мыналарды қамтиды:
1. Жоғары дәлдік және қайталану: Роботтар максималды дәлдікпен жұмыс істейді, бұл әрбір бөліктің тамаша орындалуын қамтамасыз етеді.
2. Өнімділікті арттыру: роботтардың жылдамдығы мен тиімділігінің арқасында сапаны жоғалтпай өнімді тезірек шығару.
3. Уақыт пен ресурстарды үнемдеу: роботтар арқылы өндіріс процестерін оңтайландыру өндіріс уақытын қысқартуға және ресурстарды тиімдірек пайдалануға мүмкіндік береді.
«Ақниет Holding» толық өндірістік циклі бар отандық жиһаз компаниясының тағы бір жаңа өнімі — технология кабинеттеріне арналған универсалды парталарды шығаруы. Партаның ерекшелігі-108 см-ге дейін биікке көтеріледі және ең төменгі биіктігі-71 см-ге дейін түседі. Кабинеттің кез-келген жеріне орынын ауыстыруға ыңғайлы етіп жасалған. Столешницасының ұзындығы-105 см, ені-55 см. Партаның ең ерекшелігі столешницасы 45 градусқа дейінгі кез-келген формаға қоюға болады.
2016 жылдан бері жұмыс істеп келе жатқан өндіріс орнына еліміздің бірқатар министрлері мен депутаттары арнайы келіп зауыттың жұмысымен танысып шыққан. Сондай-ақ роботатехникалармен жабдықталған зауыттың жұмысы көптеген азаматтардың қызығушылығын тудырып, өндірістің қым-қуыт тіршілігін аралап көріпті. Жуырда ғана өндіріс орнының қонағы болған танымал продюсер, тележүргізуші, актер-Нұрлан Қоянбаев «Aqniet holding» компаниясы өндіріп жатқан 100% отандық өнімімен танысып шығып, ерекше мотивация алғанын жасырмады.
Жалпы Түркістан облысында жиһаз өндірісі қарқынды дамып келеді. Оның дәлелі — жиһаз өнеркәсібіне инвестиция тарту бойынша облыс Республикада көш бастап тұр. Өткен жылы өңірдің жиһаз өнеркәсібіне 13,2 млрд теңге инвестиция салынып, республикалық көрсеткіштің 76,8 пайызын құрады.
