Өңірдің экономикалық дамуын анықтайтын басты сала – өнеркәсіп саласы. Түркістан қаласында 2023 жылы 25,8 млрд.теңгенің өнімі өндірілген. 2020 жылы бұл көрсеткіш 15,8 млрд.тг құрайтын. Өнім өндіру 61 пайызға артқан. Бұл туралы Todayinfo.kz ақпарат агенттігі хабарлайды.
БАҚ өкілдері облыс орталығындағы «Asia Brend» жиһаз өндіретін фабрикаға ат басын бұрып, мұндағы тиянақты тірліктерге қанықты. Кәсіпорын 1,5 гектарға орналасқан, 150 адамды тұрақты жұмыспен қамтамасыз етіп отыр. Жылына 22 мың жиһаз жасап шығаратын кәсіпорынның жылдық тауар айналымы 1 млрд. теңгеден асқан.
«Asia Brend» жиһаз өндіру фабрикасының директоры Ұйғын Әбішев өз өндіріс орны жайлы сұрақтарға жауап берді.
— Мемлекеттен жеңілдетілген несие бағдарламасы бойынша жүз миллион теңге алып жұмыс істегенбіз. Қазір алған кредитті жауып, ақтап қойды. Өндіріске керекті шикізатты 4-5 мемлекеттен сатып аламыз. Енді соның ең маңызды бөліктерін өзімізде дайындау жоспарымызда бар — , дейді компания директоры Ұйғын Әбішев.
Жиһаз өндіру цехының басшысының айтуынша енді мектеп пен балабақшаға жиһаз дайындап жатыр.
Отандық өнім Түркістанда ғана емес, Алматы, Астана, Шымкент, Қызылорда және Тараз қалаларында сатылымда. Сонымен қатар, Ресей мен Қырғызстанға экспортталуда
