Түркияның бірнеше провинциясы өртеніп жатыр. Алапат орман өрттері Бурса қаласына жетті, деп хабарлайды Todayinfo.
Түркияның бірқатар аймақтарында ауа температурасы 50°C-қа жуықтады. Желді ауа райы өрттің таралуын одан әрі күшейтіп жатыр. Қазіргі уақытта Карабюк – Анкара автомагистралі екі бағытта да жабылды.
Бурса провинциясындағы өрт тұрғын үйлерге таяп қалды
Бурса провинциясында, Гюрсу мен Кестель аудандарының арасындағы орман алқабында басталған өрт жел салдарынан ұлғайып жатыр. Карахыдыр мен Ыгдыр ауылдарын жалын шарпыған. Бурса мэриясы тұрғындарға өрт қаупі туралы ескерту жасады, кейбір елді мекендер эвакуацияланып жатыр. Өрт сөндіруге орман шаруашылығы қызметі, жергілікті тұрғындар және өрт сөндіруші топтаржұмылдырылды. Өрттің шығу себебі әзірге белгісіз.
Өрт басқа провинцияларға да жайылды
Карабюк, Ушак және Кахраманмараш өңірлерінде де жаппай өрт тіркелген. Карабюк провинциясында шамамен 20 ауыл мен 50-ге жуық аудан эвакуацияланды. Билік 6 провинцияда 7 орман өрті ошағын оқшаулай алғанын мәлімдеді.
Қауіп жоғары деңгейде
Түрік билігі ел бойынша өрт қаупінің жоғарылығына байланысты арнайы режимжариялап, халықты сақ болуға шақыруда.
