Суретші Ербосын Мелдібеков «Тұғырдан құлап бара жатқан Назарбаев» бейнеленген инсталляциясын Мәскеудегі Garage қазіргі заман өнер музейіне сатып жіберді. Бұл жөнінде National Business басылымы жазған, деп хабарлайды Todayinfo.
«Автордың құлауының бес нұсқасы» деп аталатын бұл туындының құны ондаған мың доллар шамасында бағаланғанымен, суретші нақты соманы жария етпеді. Инсталляция алғаш 2024 жылдың ақпан айында өткен «Боран-Байқоңыр, Жібек жолы мен Құс жолының арасында» атты жеке көрмеде таныстырылған болатын. Ерекше композицияны белгілі бір бұрыштан қарағанда, құлаған мүсін қайтадан орнынан көтеріліп келе жатқандай әсер тудырады.
Айта кетейік, аталған көрмені 2024 жылы Қайрат Боранбаев негізін қалаған «Целинный» заманауи мәдениет орталығы мен кәсіпкер Серік Толықпаевтың Aitas Foundation корпоративтік қоры бірлесе ұйымдастырған.
Фото: скрин
