Алматыда қазақы дәстүрмен қыздары Алма мен Алисаның тұсауын кескен Тұрсын мен Баян Алагөзовтер қонақтарға алғысын білдіріп, жуықта тағы бір қуанышты жаңалық болатынын меңзеді, деп хабарлайды Todayinfo.kz ақпарат агенттігі.
Әнші Мадина Сәдуақасова Instagram парақшасында: «Келер жылы Баян мен Тұрсын үйленеді», – деп жазды.
Өз сөзінде Баян Алагөзова мерекені ұнататынын, алдағы жылы бірге тұрып жатқандарына 10 жыл толатынын айтты.
«Мен тұрмысқа шыққым келеді. Тұрсын әлі маған адамша үйленген жоқ. Қыз жолдастармен бірге билеп, нағыз той жасағым келеді», – деді ол.
