Әлеуметтік желіде ер адам Жамбыл облысындағы полицейлердің былығын әшкерелеп, видео жариялады, деп хабарлайды Todayinfo.kz ақпарат агенттігі.
Оқиға 2025 жылдың 26 тамыз күні түсірілген.
«Жамбыл облысының полицейлерін қараңыздар, тұрысы мынау, жолды жауып тастаған. Жолда ақау жоқ, бірақ қызметтік көлікті жолдың ортасына қойып кеткен, ішінде қызметкер де жоқ. Не айтуға болады, сұмдық емес пе? Өздері көлікті жолдың ортасына тастап, арғы жақта басқа шаруаларымен жүр», деді ер адам.
Алайда полицейлердің айтуынша, мұндай шара көлік жүргізушілерінің жолда ұйықтап кетуіне байланысты жасалған қауіпсіздік үшін жасалған шара.
«Республикалық тасжолдарда көлік апаты жиілеп кетті. Мұндай шара қауіптің алдын-алу үшін жасалып отыр. Жүргізушілер осы жерге тоқтап, ұйқыларын ашсын деп осылай жасап қойдық. Мұның бәрі қауіпсіздік үшін», — деді полицей.
Сондай-ақ, бейнені түсіріп жүрген ер адам мұндай былықтың барлығын түсіріп алып, Ішкі істер министрлігіне жолдайтынын жеткізді.
Оқиғаға байланысты желі қолданушылары түрлі пікір қалдырды. Басым көпшілігі полицейлердің ақша жасап жүргенін жарыса жазуда.
«Ұйқы ашу үшін деп түнгі мезгілде тұру үшін қойылған бекеттер. Бұлар күндіз түні тоқтатып жанына барсаң ескерткенін көрмедік, Балқашта тұрған жас жігіттер азаматтарға құрмет жоқ түгел оңтүстік облыстан Астанаға қатынап жүрген автобустардан 2 немесе 5 мың ставка алады жолын жаса деп ашық сұрайтындары бар тексерушілер автобусқа жәй киімде мініп жүргізуші ролін атқарсаң көресің», «Ешқандай да қауіпсіздік үшін емес, мұның бәрі ақша жасау үшін», деп жазды көпшілік.
@agalik.bolashak♬ оригинальный звук — Ағалық болашақ
