Бас әскери прокуратура Ақтауда борышын өтеп жүрген сарбаздың өліміне қатысты түсініктеме берді. Құзіретті органның хабарлауынша, командир сарбазды қасақана атып өлтірген болуы мүмкін, деп хабарлайды Todayinfo.
«Сол күні Батыс өңірлік әскери-тергеу басқармасы қасақана кісі өлтіру дерегі бойынша соталды тергеп-тексеруді бастады (1-бөлім ҚК 99-бабы). Тергеу органы күдіктіні ҚІЖК-нің 128-бабының тәртібімен ұстады және Ақтау АӘК-не қамауға алды. Қылмыстың себебі мен өзге де мән-жайын анықтау үшін тергеу іс-шараларының қажетті кешені жүргізіліп жатыр», — делінген Бас әскери прокуратураның хабарламасында.
Іс бойынша іс жүргізу прокуроры тағайындалды.
Қажетті кешенді тергеу амалдары жүргізілуде, қылмыстың себептері мен өзге де мән-жайлар анықталуда. Іс бойынша процестік прокурор тағайындалды. Тергеу барысы Бас әскери прокуратураның ерекше бақылауына алынды.
«Қылмыстық процестік кодекстің 201-бабына сәйкес басқа мәлімет жарияланбайды», — делінген Бас әскери прокуратураның хабарламасында.
Ал марқұмның әкесі оқиғаның жан-жақты тергелуін талап етіп отыр және мұның оқыс жайт екеніне сенбейді. Ресми нұсқа бойынша, лейтенант тапаншасынан рұқсатсыз оқ атқан кезде 19 жастағы сарбаздың бетіне тиген. Сарбаз ауруханаға бара жатқан жолда қайтыс болды.
