Алматыда «Үздік сынып» әлеуметтік жобасын жүзеге асыру мақсатында ұстаздар семинары өтті. Алатау аудандық Білім бөлімінің ұйымдастыруымен өткен семинарға жетекші мамандар қатысты. Басты мақсаты — білім беру мекемелерінің білім деңгейін көтеру мен тәрбие жұмысын бағалау, деп хабарлайды Todayinfo ақпараттық агенттігі.
Жоба үш буын негізінде жүргізіліп келеді: бастауыш буындағы сыныптар, орта және жоғары сыныптар арасында жүргізілетін «Үздік сынып» әлеуметтік жобасы. Жұмыс оқушыларды жауапкершілікке, өзін-өзі басқаруға, ұжымдық алға жылжуға деген бәсекелестікке тәрбиелеуге бағыттайды.
«Білім беру жүйесінде тәрбие жұмысының сапасын арттыруға, оқушылардың тұлғалық дамуына ықпал етеді. Сыныптағы тәрбие жұмысының нәтижелері оқушылардың үлгеріміне, сыныптағы қарым — қатынас ахуалына және қоғамдық белсенділік деңгейіне әсер етеді.Мектеп – әрбір оқушының тұлға болып қалыптасуына жағдай жасайтын білім ұясы», — деді Алатау ауданы Білім бөлімінің әдіскері Рита Адамбекова.
Рита Омарқызының пікірінше, «Үздік сынып» оқушылардың өз шығармашылығын дамыту, рухани қажеттіліктерін өтеуге, ойлау қабілеттерінің жетілуіне, жалпы жан-жақты болуларына жол ашатын аталмыш жоба.
Біртұтас тәрбие бағдарламасы — ҚР білім беру жүйесінде 2023-2025 жылдарға арналған жаңа бастама мемлекет басшысы Қасым-Жомарт Тоқаевтың бастамасы.
«Ұлттық құрылтайдың «Әділетті Қазақстан – Адал азамат» атты екінші отырысында: «Біз ұрпақ тәрбиесіне баса мән беріп, жастарды жақсылыққа жетелеуіміз керек. Мемлекеттің ең басты байлығы – адам, яғни азаматтар. Әрбір ата-ана саналы ұрпақ өсіруге баса мән беруге тиіс. Балалар арасында жалпыадамзаттық және ұлттық құндылықтарды дәріптеген абзал. Оқушылар мектеп бітіргенде, ең алдымен, адал азамат болып шығуы керек» дегені есімізде. Осы орайда адамға, қоғамға, туған өлкеге деген құндылық қарым-қатынасты сынып ұжымы меңгеруі көзделеді.Бұл жобаның жүзеге асырылуы бойынша № 205 жалпы білім беретін мектепте ауқымды семинар өткіздік», — деді мекетп директорының тәрбие ісі жөнідегі орынбасары Жанна Жетенова.
Семинар – тренингте Жанна Тілеубайқызы қатысушыларға «Үздік сынып қатарына жету үшін 7 қадам» атты «әдістеменің қыр-сырларымен бөлісті. Семинарға қатысушылар алдыңғы қатарлы үздік деп танылып келе жатқан сынып оқушыларымен танысып, жұмыстарын көрді. 9 «ә»сынып оқушылары игі іс көрсету әрі мүмкіндігі шектеулі жандарға қамқорлық көрсету мақсатында бір күндік судың ақшасына «Қайырылымдық сүйіспеншіліктің — бір белгісі» деген ұранымен «Даму пазл «құрады. Бұл пазл логопед маманның көмегіне жүгінетін оқушыларға қолданылатын ұсақ қол моторикасын дамытатын көрнекі құрал ретінде логопед кабинетіне сыйға тартылды.
«Білім беру жүйесінде тәрбие жұмысының сапасын арттыруға, оқушылардың тұлғалық дамуына ықпал етеді. Сыныптағы тәрбие жұмысының нәтижелері оқушылардың үлгеріміне, сыныптағы қарым-қатынас ахуалына және қоғамдық белсенділік деңгейіне әсер етеді. Айта кетейік, бүгінде жобаның алғашқы жұмысы жүзеге асырылып, басшыдан қарапайым жұмысшыға дейін, ұстаздар мен зерделі шәкірттер, сондай-ақ тілекші ата-аналар бір жағадан бас, бір жеңнен қол шығарып, әркім өз міндетіне сай еңбек ету нәтижесінде ең жоғары деңгейде танылған сынып «ҮЗДІК СЫНЫП» БЕЛГІСІНЕ және марапатына ие болады. Байқау нәтижесі бойынша ең үздік сынып дипломмен, бағалы сыйлықпен марапатталады», — деді Алматы қаласы Алатау аудандық № 205 жалпы білім беретін мектептің директоры Гүлнара Даулетова.
