Белгілі композитор Ұлықпан Жолдасовтың әйелі Айған Жолдасова әлеуметтік желіде пікір жазамын деп, сынға қалды, деп хабарлайды Todayinfo.
Ол отбасылық өмірі жиі талқыға түсетін журналист Асхат Садырбайды жақтап, ойын білдірген.
«Отбасымызбен сені жақсы танимыз. Болат ұлымызға қол ұшын бергеніңді ұмытпаймыз. Әке-шешеңді қатты құрметтейміз. Ал қарындасың Бақытжамал – көп жылдан бері біз үшін қызымыздай болып кеткен жан. Кәсіби және адами тұрғыдан өте тамаша адам. Еш уайымдама, жан-жағыңдағы достарың сенің қандай адам екеніңді жақсы біледі. Бәрі жақсы болады. Өз басым сені қатты қадірлеймін. Әрқашан ақыл-кеңесіңді айтып, жол көрсетіп келесің. Достығымызға ешкім кедергі бола алмайды. Біз сіздерді құрметтейміз. Уайымдама! Уақыт кімнің кім екенін көрсетеді. Алла жар болсын!» – деп жазды ол.
Алайда әлеуметтік желі қолданушылары бұл пікірге әртүрлі көзқарас танытып, сазгердің жұбайын сынға алды.
«Жақсылық жасады екен деп, мақтап отыру керек пе?», «Ерке де, Айғаным да біреудің Фарида сияқты қызы емес пе? Өзіңізге жақсылық жасаса болды, қалғандарына ойына келгенді істесе бола ма?», деп жазды желі қолданушысы.
Еске салсақ, Асхат Садырбайдың бұрынғы әйелі Айғаным Болатқызы журналистен көрген қорлығын айтып, көпшілік алдына шыққан еді. Келіншектің сөзінше, Асхат Садырбай әлі күнге дейін оны сотқа сүйреуден жалыққан емес. Сонымен бірге, Асхат Садырбайдың бірінші экс-әйелі болған әнші Ерке Есмахан да ажырасып кеткен соң ол туралы жағымсыз пікір айтқан болатын.
Фото: Instagram/aigan_zholdasovaҰлықпан Жолдассовтың әйелі Асхат Садырбайды жақтаймын деп елден сөз естіді
