Аргентинадағы Кордоба провинциясында әуе шоуы кезінде ұшақ апатқа ұшырап, екі ұшқыш көз жұмды, деп хабарлайды Todayinfo Infobae порталына сілтеме жасап.
Қайғылы оқиға Бель-Виль қаласындағы аэродромда өткен шара барысында болған. Шараға қатысушылар әуе маневрлерін көрсетіп жатқан.
Полиция өкілдері мәлім еткендей, қаза тапқандар Санта-Фе провинциясының екі тұрғыны.
Апаттың нақты себебі әзірге анықталған жоқ. Алдын ала деректерге сәйкес, ұшақ әуеде теңселіп, ұшу-қону жолағына соғылып, соққыдан кейін өртеніп кеткен.
Фото: Freepik
