Бакудегі халықаралық әуежай қаралы күнге дайындалып жатыр, деп хабарлайды Todayinfo.
Ильхам Әлиев атындағы халықаралық әуежайдағы жаңа жыл шыршасын алып тастамақ.
Сондай-ақ Әзербайжанның мемлекеттік органдарының басшылары ұшақ апатын зерттеу үшін Ақтауға аттанды.
«Әзербайжан президенті Ильхам Әлиевтің тапсырмасы бойынша цифрлық даму және көлік министрі, төтенше жағдайлар министрі, Бас прокурордың орынбасары, денсаулық сақтау министрінің орынбасары, азаматтық авиация мемлекеттік агенттігі директорының орынбасары, «AZAL» әуекомпаниясының вице-президенті және басқа да тиісті мемлекеттік органдардың өкілдері апат оқиғасын зерттеу үшін Қазақстанның Ақтау қаласына ұшып кетті», — деп мәлімдеді Әзербайжан президентінің ресми сайты.
Еске салайық, бүгін Бакуден Грозныйға ұшып бара жатқан «Azerbaijan airlines» әуекомпаниясының ұшағы Ақтау маңында апатқа ұшырады. Бортта барлығы 67 адам, оның ішінде 5 экипаж мүшесі болғаны айтылды. Қазіргі таңдағы мәлімет бойынша, 4 адам қаза тапты, 28 адам аман қалды, оның ішінде екі бала бар. Бортта 37 Әзірбайжан, 6 Қазақстан, 3 Қырғызстан, 16 РФ азаматы болған.
