Украина президенті Владимир Зеленский Рамазан айының құрметіне өткен ауызашарға қатысып, елдің мұсылман сарбаздарын марапаттады, деп хабарлайды todayinfo.kz
Іс-шараға әскери қызметкерлер, діни қауым өкілдері, шетелдік дипломаттар, сондай-ақ Киевке келген Түркияның сауда министрі Өмер Болат пен ауыл және орман шаруашылығы министрі Ибрагим Юмаклы қатысты.
Украина сарбаздарына мемлекеттік наградалар берілді
«Золотая Звезда» ордені – Донецк облысындағы ұрыстарда қаза тапқан Дилявер Сейтхалилиевтің отбасына табысталды.
Сондай-ақ, Богдан Хмельницкий, «За мужество», Даниил Галицкий ордендері және «Украинаға әскери қызметі үшін» медальдері берілді.
Ифтар кезінде қатысушылар соғыс кезінде қираған мешіттер мен діни орталықтар туралы көрмемен танысты. Іс-шара өткен жылы Ресейдің дрон шабуылынан зардап шеккен ғимаратта өтті.
