Абай Бегейдің қызы Гүлеркем Ниязқұлова 162 млн теңгеге заңсыз онлайн лотерея ұйымдастырғаны үшін күдікке ілінді. Қазір сотқа дейінгі тергеу жүріп жатыр, деп хабарлайды Todayinfo агенттігі.
Танымал әнші Абай Бегейдің қызы Гүлеркем Ниязқұлова мен оның күйеуі Ақтау қаласында Instagram, TikTok және Telegram желілері арқылы 850 мыңнан астам оқырман жинап, ірі онлайн лотерея ұйымдастырған. Бұл туралы Қаржылық мониторинг агенттігі мәлімдеді.
Алайда ерлі-зайыпты лотерея операторы ретінде тіркелмеген, сондықтан олардың әрекеті заңсыз кәсіпкерлікретінде қарастырылып отыр.
Олар автокөлік, пәтер және басқа да бағалы сыйлықтарды жүлде ретінде ұсынып, 500–50 000 теңге аралығында билеттер (цифрлық нөмірлер) сатқан. 1 800-ден астам адамлотереяға қатысқан.
Алдын ала есеп бойынша, бұл заңсыз әрекеттен 162 миллион теңгеден астам табыс түскен.
Қазір күдіктілердің мүлкі мен банк шоттарына тыйым салынып, сотқа дейінгі тергеуамалдары жүргізілуде. Іс ҚР Қылмыстық-процестік кодексінің 201-бабына сәйкес, тергеу мүддесі үшін толық ақпарат жарияланбай отыр.
