Алматыда ауыр қылмыстар саны азайды, деп хабарлайды Todayinfo агенттігі.
Алматы полициясының қызметі Мемлекет басшысы Қасым-Жомарт Тоқаев берген тапсырмаларды орындауға, сондай-ақ барлық саладағы қызметті жақсартуға бағытталған. Жалпы, қаладағы қылмыстық ахуал тұрақты және бақылауда: қылмыстарды ашудың тиімділігі артты. Бұл туралы Алматы қалалық ПД-нің бастығы полиция генерал-майоры Арыстанғани Заппаров халық алдындағы жыл сайынғы есеп беру жиынында мәлімдеді.
«Қылмысты талдау деректері бойынша қабылданған шаралар, қылмыстың барлық негізгі түрлерінің дерлік тіркелуін 23,9%-ға қысқартты. Қоғамдық орындарда жасалған қылмыс саны 3,4%-ға, көшеде 18,8%-ға, мас күйінде жасалған қылмыстар 19,6%-ға азайды. Өткен жылы атқарылған бірқатар іс-шаралар қылмыстың азаюына ықпал етті. Біз еліміздің Әкімдігі мен Ішкі істер Министрлігінің қолдауымен қала тұрғындары мен қонақтарының өздерін жайлы әрі қауіпсіз сезінуі үшін барлық шараларды қолданып жатырмыз», — деді, Алматы полициясының басшысы.
