Шымкент қаласы әкімінің орынбасары болып тағайындалған Руслан Берденов қалада сыбайлас жемқорлық жоқ деп мәлімдеді. Бұл туралы оның сөзі әлеуметтік желіде кең таралып, қызу талқылануда, деп хабарлайды Todayinfo.
Берденовтың айтуынша, бүгінде мемлекеттік сатып алуларда және құрылыс саласында сыбайлас жемқорлық деректері тіркелмеген.
«Мемлекеттік сатып алулар бойынша – бізде бұрын болған сыбайлас жемқорлық деректері қазір жоқ. Мен мұны ашық, ресми түрде айта аламын. Бұл тек менің сөзім емес, осы салада жұмыс істейтін кәсіпкерлердің пікірі. Қазір құрылыс саласында, мемлекеттік сатып алуларда жемқорлық жоқ», – деді әкім орынбасары журналистермен әңгіме барысында.
Берденовтың бұл мәлімдемесі әлеуметтік желі қолданушылары арасында күмән туғызып, әзілге айналды.
Желіде:”Мынау не айтып тұр?””Өзіне әлі ешкім ұсынбаған шығар””Өзіңе күлкілі емес пе?””300 жылдық тарихы бар Франция, 200 жылдық Америка әлі жемқорлықты толық жеңе алған жоқ, бұлар қалай мұндай мәлімдемелер жасай алады?”деген пікірлер қалдырылды.
