Белгілі продюсер Баян Мақсатқызының TikTok желісінде жарияланған би видеосы қазақстандық интернет қауымдастық арасында үлкен талқылауға себеп болды. Желіде тараған бейнежазбада продюсер Аша Матай мен Жарқынаймен бірге көңілді күйде билеп тұрғаны көрінеді. Бұл туралы Todayinfo ақпарат агенттігі хабарлайды.
Видеоны көрген қолданушылардың пікірі екіге бөлінді:
Кейбір қолданушылар Баян Мақсатқызының жасына қарамастан белсенді өмір салтын ұстанып, би арқылы позитивті көңіл-күй таратқанын жоғары бағалап, оны жас қыздарға үлгі ретінде көрсетіп отыр.
Ал енді бір бөлігі оның әрекетін сынға алып, танымал тұлғаларға тән мінез-құлықтың шектен тыс еркіндігіне назар аударды.
«Жас қыздардың өзін жолда қалдырыпты», – деп пікір қалдырған қолданушылардың бірі.
TikTok-тағы бұл видео жүздеген мың қаралым жинап, әлеуметтік желіде белсенді талқылануда. Продюсердің жанкүйерлері оның өмірге деген ашық көзқарасы мен еркіндігіне тәнті екенін айтып жатыр.
