Алматыда түнгі клубты басқаратын ЛГБТ белсендісі қоластындағы жас жігітті зорлады деген күдікке ілінді, деп хабарлайды Todayinfo.
Әлеуметтік желіде Елиссей есімді жігіт өзін ЛГБТ белсенді Амир Шайкежановтың зорлаған айтып, видео жариялады. Ол бұл жайттың биыл 24 наурызында болған айтты.
«Таңертең, ауысымнан кейін, «Амировка» жобасының негізін қалаушы Амир мені клубтың кабинетінде зорлады. Біз екеуіміз де шегіп алған едік, сол себепті не болып жатқанын түсінбедім. Тіпті қарсыласуға шамам жетпеді»,- деді ол.
Елиссей оқиға болған күннен екі жарым ай өткенде шындығын айтуға бекінген.
«Ары қарай қалай өмір сүрерімді білмедім. Адамдарға, тіпті өзімнің айнадағы бейнеме қарауға қорықтым. Бұл өте ауыр және қорқынышты. Қазір бұл туралы айту сондай қиын. Бірақ мен бұл жерге Амирді зорлық үшін айыптауға келдім. Өйткені бұл – кешірілмейтін нәрсе. Бұл жай ғана сөйлесіп, кешірім сұрай салатын жағдай емес. Мен мұндайды кешіре алмаймын» , – деді жәбірленуші.
Қазір Амир Шайкежановты полиция ұстап алып кеткен. Ол өзінің желідегі парақшасында:
«Мен бүгін уақытша тергеу изоляторында отырмын, сіздерді жерге қараттым, кешіріңіздер»,- деп жазды.
Бұл факт бойынша Медеу ауданының полиция басқармасы қылмыстық іс қозғаған.
«Жедел-іздестіру іс-шаралары барысында жәбірленушінің жеке басы анықталып, ол полицияға ресми арыз жазды. 29 жастағы күдікті — аталған мекеменің басшысы ұсталып, уақытша ұстау изоляторына қамалды. Тергеу барысында күдіктінің әрекетіне, соның ішінде арызда көрсетілген мән-жайларға құқықтық баға беріледі»,- деп атап өтті полиция департаменті.
Тергеу барысы басшылықтың ерекше бақылауында.
