Түркістандық журналист Мақсұт Айтжанов әнші Наркенже Серікбаеваны сынға алды. Ол күллі оңтүстікке күйе жағып, мәлімдеме жасағандар жазалану керек екенін айтты, деп хабарлайды Todayinfo порталы.
Журналист басшы да, әнші де өздерінің таза екендіктерін дәлелдеу қажет, олай болмағанда қызметтерінен кету керек деп санайды.
«Аяғы жаман төрді, аузы жаман елді былғайды» деген. Сонымен Наркенженің аузы жаман ба, жоқ төрге шыққандардың аяғы лас па!? Не болсада іс жылы жабылып, төр мен елді былғағандар жазасыз қалмауы керек. Себебі, әншінің бір мәлімдемесінен кейін түгел түстіктің мәдениетіне деген көптің көзқарасы төмендемесе жоғарыламады. Бір сөзбен айтқанда қазақылықтың қаймағы бұзылмаған өңір мәдениетіне қара күйе жағылды»,— деп жазды журналист.
Әншінің дәлелсіз сөздері әлеуметтік желіге жаппай жарияланып кеткен еді. Тіпті мәдениеттің құлағын ұстағандарды жерден алып, жерге салғандарда болды.
Артынша әнші “иіскейін деді”деп айыптаған филармония басшысы да сотқа арыз жазғанын айтып қарсы үндеу жариялады.
«Видеосында басшы барлығы заң шеңберінде қаралатынын жеткізді. Негізінде заңды тұрғыдан дұрыс шешім сол еді. Себебі, заң бар елде әркімнің ойына келгенін айтып, бөсе беруіне болмайды. “Жаптым жала, жақтым күйе”деп, түгел бір өңірге тіл тигізу ұят. Әрі қылмыс. Сондықтан әркім айтқан сөзіне жауап беруі керек.
Бірақ, бәзде олай емес сияқты. Әркім аузына келгенін оттап, артынша түк болмағандай жүре беруіне болатын сияқты. Өйткені, осы оқиғаның басталғанына ұзақ уақыт өтпей жатып қос тарап “келістік”деп, видео жариялап, істі жылы жапқан сыңай танытып тұр.
Айналайындар-ау, сонда сендер кімсіңдер? Не “псих” не “бақша жасындағы” бала болдыңдар ма? Менің білуімше екеуіңде заңды білетін тұлғасыңдар. Сондықтан екеуіңде айтқан сөздеріңе жауап беру керексіңдер.
Алдымен әнші айтақанын дәлелдеуі керек. Егер дәлелдей алмаса өзінің өтірік айтқанын айтып өзі нанын жеп, рахатын көрген өңір мәдениетіне кір келтіргені үшін барлығынан кешірім сұрауы тиіс.
Одан кейін сотқа арыз түсірген филармония басшысы өзінің ақ екенін сот жүзінде дәлелдеуі керек. Егер дәлелдей алмай шынымен әнші айтқандай әрекет жасаған болса ол басшылық қызметте отырмауы керек.
Менің ойымша егер бізде заң мен басшылардың адамдық ары болса осылай жасалуы керек. Ол кейінгілерге сабақ болады», — деп жазды Мақсұт Айтжанов.
