Фото: Envanto
Жетісу облысында құны 1,1 млрд теңгеге жуық саябақты игеруге қатысты сыбайлас жемқорлық ісінің тергеу жұмыстары аяқталды, деп хабарлайды Тodayinfo ақпараттық порталы.
Облыстық прокуратураның баспасөз қызметінің мәліметінше Жетісу облысының лауазымды тұлғаларына қатысты қылмыстық тергеу аяқталды.
«Құқықтық тәртіп» идеологиясын жүзеге асыру аясында Жетісу облысының арнайы прокурорлары Талдықорған қалалық тұрғын үй-коммуналдық шаруашылық бөлімінің лауазымды тұлғаларына қатысты қылмыстық тергеуді аяқталды», деп жазған хабарламада.
2020 жылдың наурыз айында мемлекеттік сатып алу шеңберінде ТКШ бөлімі ЖШС-мен саябақты абаттандыру бойынша 1,92 млрд теңгеге келісім-шартқа отырды.
«Алайда, ҚР Бюджет кодексінің 97-бабы 6-тармағының талаптарына қайшы, тапсырыс беруші мердігердің пайдасына төлемдерді жүзеге асыру кезінде міндеттемелердің толық орындалуын қамтамасыз етпеген. Нәтижесінде мердігер құрылыс жұмыстарын толық орындамай, мемлекетке келтірілген шығын көлемі 37 млн теңге болған. Қазіргі уақытта үш тұлғаға қатысты тергеу аяқталып, қылмыстық іс сотқа жіберілді», — деп толықтырды.
