Қарағанды облысындағы Ақтас қаласында мектеп оқушылары біреудің пәтерінің жоғалған кілтін тауып алып, пәтерді бүлдіріп кеткен. Бұл туралы «5 канал Караганда» арнасы хабарлады, деп жазады Todayinfo.
Үй иелерінің ұзақ уақыт жоқтығын пайдаланып, жасөспірімдер пәтерге үнемі келуді әдетке айналдырған.
«Жиһаз бүлінген. Біз тапсырыспен ас үй жиһазын жасаттық. Тегістеткен қабырғаларды бүлдірген. Жөндеу жұмыстарын өзіміз жасадық. Жаңа линолеум төседік. Барлығын өзіміз жасадық, соған ақша салдық. Пәтерге кіргенімде, шошып кеттім. Енді бәрін лақтыру керек”, – деді үш бөлмелі пәтердің иесі Ирина Александрова.
Әйелдің айтуынша, пәтердегі барлық зат – жиһаздар, қабырғалар, едендер, сынған ыдыс-аяқтар, тұрмыстық техника қираған. Олар алып кете алмаған нәрсені әдейілеп бүлдіріп, тескен. Пәтерде 8 бен 15 жас аралығындағы сегіз ұл және бір қыз болыпты.
Пәтерде Иринаның қызы мен оның күйеуі тұрған. Олар біразға көшіп, кейін пәтерді тексеруге келді. Олар пәтерді сатуды жоспарлаған. Бір күні барғанда, кілтті таба алмапты. Кейін күйеу баласы оны кіреберіске тастап кеткені белгілі болды. Ал балалар оны тауып алып, үйде білгенін істеген.
Барлығы наурыз айында ашылды. Полицияға хаттама толтырылып, барлық қатысы бар адам табылды. Ұрланған заттардың бір бөлігі, соның ішінде iPhone телефоны да табылды.
«Бастапқыда ата-аналар балаларының кінәсін мойындады. Олар тіпті мәселені шешкісі келді. Бірақ ата-аналар бұл олар үшін тым қымбат деп шешті. Сайып келгенде, олар балаларын кінәсіз деп басқаша сөйлей бастады. Жеті ай бойы күттік, ешқандай өзгеріс болған жоқ. Іс жай ғана жабылып қалды. Енді мен жай ғана жұртшылыққа жүгінуге мәжбүрмін. Бұл жағдайды мүмкіндігінше көп адам білгенін қалаймын, сонда біреу шара қолданатын болар. Мен прокуратураға хабарластым, бірақ сотқа жүгіну керек пе, білмеймін», – деді пәтер иесі Анджелина Вагнер.
Полиция департаменті пәтерді басып алу, мүлікке зиян келтіру және ұрлық фактілері бойынша екі қылмыстық іс қозғалып, бес кәмелетке толмаған жасөспірімнің анықталғанын растады. Тергеу қажетті процессуалдық шараларды аяқтады. Алайда аталған тұлғалар қылмыстық жауапкершілікке тартылатын жасқа толмағандықтан, екі қылмыстық іс те қысқартылған.
Кәмелетке толмаған балаларын тәрбиелеу бойынша өз міндеттерін орындамағаны үшін кәмелетке толмағандардың ата-аналары Әкімшілік құқықбұзушылық туралы кодекстің 127-бабының 1-бөлігімен әкімшілік жауапкершілікке тартылды.
Жәбірленушілерге олардың құқықтары мен кәмелетке толмағандардың ата-аналарынан материалдық және моральдық шығынды өндіру туралы жеке сотқа жүгіну тәртібі түсіндірілді.
Пәтер қазір сол күйінде.
Жәбірленушілерге ештеңеге қол тигізбеу керек деп айтылды. Онда тұру мүмкін емес — оны жалға беруге де, сатуға да болмайды.
Фото: скрин
