Танымал әнші Қайрат Нұртастың жары, актриса әрі блогер Жұлдыз Абдукаримова өзінің жетінші жүктілігітуралы қуанышты жаңалығымен бөлісті. Бұл туралы ол Instagram парақшасында бейнежазба мен жүрек тебірентерлік жазба жариялады, деп хабарлайды Todayinfo ақпарат порталы.

«Бұл жүктілік мен үшін күтпеген жағдай болды»

Актрисаның айтуынша, ол жүктілік жайлы бірден білген емес. Өйткені бұл кезеңде оның өмірінде көптеген жеке қиындықтар мен күйзелістер қатар жүріп жатқан.

«Менің 7-ші жүктілігім… Ол жайлы білмесем де, менің ағзам қабылдап, өз процессін атқарып жатқанын сезбедім. Әбден әбігерге түстім. Сол сәтте, жатырма жайғасқан бір түйір тамшы дер кезінде, өз уақытында, өз несібесімен келіпті», – деп жазды Жұлдыз.

Актрисаның айтуынша, дәл осы сәтте өмірінде үлкен өзгерістер болып, көптен күткен жақсылықтар орын алған. Ол бұл жүктілікті ерекше рухани мәні бар «Жаратқанның сыйы» деп қабылдайтынын айтады.

«Бергенінен берері мол – Алладан сұрасаң, береді екен»

Жұлдыз Абдукаримова өз жазбасында Жаратқанға деген шексіз алғысын білдіріп, әрбір адамның мұқтажын – тек Алладан сұрау керектігін ерекше атап өтті.

«Бұл Жаратқанның маған берген ең ғажап сыйы. Адам мұқтаждығын өзгеден емес, Алладан сұраса, Алла оның абыройын асырып, жоқ нәрсесін түгендеп қояды екен. Ниетің таза болса, бәрі өз орнына келеді», – деп жазды ол.

Желі қолданушылары құттықтап, жылы лебіздерін білдіруде

Актрисаның жазбасы әлеуметтік желіде кең тарап, оқырмандар тарапынан құттықтаулар мен ізгі тілектерқарша жауған. Жұлдыз барша тілекші қауымға алғысын білдіріп:

«Құрметті оқырман, құттықтауыңызға мың алғыс! Бала сүйгісі кеп жүрген әрбір жанға жұғысты болсын!» – деп ізгі тілегін жеткізді.