jasqazaq.kz
Қазақ қоғамында бедеулік туралы айтылғанда, кінә көбіне әйелдерге артылады. Алайда медицина бұл пікірдің қате екенін дәлелдеп отыр, деп хабарлайды Todayinfo.kz
Профессор Салтанат Байқошқарованың айтуынша, егер ерлі-зайыптылар бір жыл бойы қорғанусыз жыныстық қатынасқа түсіп, әйел жүкті болмаса — бұл клиникалық бедеулік саналады. Мұндай жағдайда дәрігерге жүгініп, толық медициналық тексеруден өту керек.
«Бедеулік – әйелдің де, еркектің де мәселесі. Сондықтан отбасы бұл мәселеге бірлесе қарап, шешім қабылдауы қажет», – дейді профессор.
Мамандардың айтуынша, уақыт жоғалтпай, ерте диагностика жасау – ата-ана болудың негізгі кепілі. Қазіргі таңда ЭКО, ИКСИ сынды заманауи әдістер арқылы көптеген отбасы бала сүю бақытын кешіп отыр.
