Тауар айналымы 3 3 млрд долларға дейін ұлғаяды
Жақында Қазақстаннан делегациясы Ауғанстанда болып қайтқан. Серік Жұманғариннің айтуынша, ол елдің тәуелсіздігі, тұрақтылығы мен бейбітшілігі Қазақстан үшін де өте маңызды. Осылайша, Қазақстан Үкіметі келешекте Ауғанстанмен сенімді сауда-экономикалық серіктес құрғысы келеді.
Әзірге елдер арасындағы тауар айналымы тек 1 млрд долларды құрайды, бірақ билік бұл көрсеткішті 3 млрд долларға дейін жеткізуді көздейді.
Ауғанстан өкілдері Қазақстанға тағы да келеді
Үкімет басшысының орынбасары келесі аптада Алматыда Ақтауда сауда-логистикалық форум өткізілетінін айтты.
– Қарым-қатынас қарқынды дамып келеді. 1-5 тамызда біз өткен жылдағыдай ауған кәсіпкерлерінің үлкен делегациясын күтеміз. Бұл жолы олар Алматыда өздерінің көрме-сатылымын өткізуге ниет білдірді. Біз әріптестерімізді, бизнес-серіктестерімізді қабылдауға дайындаламыз. Былтыр өздеріңіз білетіндей, біздің отандастарымызда ксенофобияның белгілі бір элементтері болды, олар ЭКСПО көрмесіне барғаннан кейін тез басылды десе болады. Көрмеге барып, бәрі бірге шафран шайын ішті де, олардың да біздей адамдар екенін түсінді, — деді ол.
Қазақстан Ауғанстанға не экспорттағысы келеді
Қазақстан Ауғанстанға бидай, ұн және ұн өнімдерін экспорттауды ұлғайтуды жоспарлап отыр. Серік Жұманғарин нақты сандарды айта алмады, бірақ қазір экспорт 500-600 мың тоннаны құрайды. Даму үшін олар балама маршруттармен жұмыс істейді. Мысалы, Түркіменстанмен келіссөздер жүргізіліп жатыр. Қазір бір бағыт – Өзбекстан арқылы жүк тасымалдануда.
– Солтүстік бағыттар өте тығыз. Инфрақұрылым біздің және өзбек жағынан өте ескі. Ең алдымен, 2025 жылы іске қосылатын Дарбаза-Мақтаарал жаңа жолына үлкен мән береміз. Әңгіме барысында ауған әріптестері Ауғанстанның батысына, атап айтқанда Герат қаласы мен Хорасан провинцияларына назар аударуымызды өтінді. Жалпы, бұл бірнеше миллион адам, біз үшін жеткілікті үлкен нарық, — деді ол.
Террорлық ұйым тізімінде жоқ
Бұған дейін Қазақстан тәлібтерді террорлық ұйымдар тізімінен алып тастағаны хабарланған. Президенттің пікірінше, қазіргі кезеңдегі стратегиялық міндеттердің бірі – Ауғанстанды өңіраралық байланыстарға белсенді тарту.
– Қазақстан тәлібтер режимін террорлық ұйымдар тізімінен алып тастады. Өйткені қазіргі Ауғанстанмен сауда-экономикалық ынтымақтастықты дамыту маңызды әрі бүгінгі режим ұзақмерзімді фактор болады деп ойлаймыз, – деді Мемлекет басшысы.
Президент бұл мәселеде ҰҚШҰ-ға мүше елдердің өзара келісілген ұстанымы болуы керек екеніне назар аударып, Алматыда Орталық Азия мен Ауғанстан үшін Орнықты даму мақсаттары жөніндегі аймақтық орталық құру туралы Қазақстанның бастамасын қолдауға шақырды.
Дереккөз: ulysmedia.kz
