«Бизнесті цифрландыру мен жасанды интеллект, көлік және логистика салалары экономиканы дамытудың басым бағыттарына айналуға тиіс» деді Тоқаев бизнес өкілдерімен кездесуінде. Бұл туралы Todayinfo ақпараттық порталы хабарлайды.
Бүгін еліміздің бизнес қоғамдастығы мен Президент Қасым-Жомарт Тоқаевтың кездесуі аясында экономиканы нығайтуға бағытталған стратегиялық міндеттер мен жаңа көзқарастар талқыланды. Atasu Group-тың негізін қалаушы және президенті Марат Жұман өз сөзімен осы кездесудің мемлекет пен кәсіпкерлердің ортақ мақсатқа ұмтылуының айқын дәлелі екенін атап өтті.
Кездесу барысында Президент Тоқаев елдің өңірдегі көшбасшылық рөлін сақтау және күшейту мақсатында экономиканы нығайту қажеттігін атап өтті. Ол қазіргі заманның басты мәселелерін шешу үшін жаңа көзқарастар мен тәсілдер дәуіріне қадам басып, ескірген стереотиптерден арылудың маңыздылығына назар аудартты.
«Мемлекет басшысы біздің ірі инфрақұрылымдық және өнеркәсіптік жобалар, цифрландыру мен жасанды интеллект, көлік және логистика салалары сияқты басым бағыттарға инвестиция салып, еліміздің болашағына айтарлықтай үлес қосатынымызды көрсетті. Ірі бизнес болмаса, Қазақстан экономикасының әлеуетін толық ашу мүмкін емес», – деді кездесуге қатысқан Марат Жұман мырза.
Президент сонымен қатар, шағын және орта бизнесті қолдаудың, сондай-ақ инвестиция салуға тартымды дәстүрлі және жаңа табыс әкелетін бағыттарды дамыту мәселелеріне ерекше көңіл бөлуді жөн көрді.
«Қазіргі геосаяси жағдай мен әлемдік сауда конъюнктурасын ескерсек, көлік-логистика саласының орасан зор әлеуеті елеусіз қалып жатыр. Теміржол, автомобиль және әуе арқылы жүк тасымалына сұраныс артып келеді. Іс жүзінде, аталған сектор басымдыққа ие бола бастады. Кейбір шолушылардың айтуынша, пайдасы да мол. Болашағы зор тағы бір сала – туризм. Шетелдіктер Қазақстанның тұмса табиғатына, халқымыздың салт-дәстүрі мен тарихи мұрасына ерекше қызығушылықпен қарайды. Бірақ отандық туризмнің әлеуеті зор десек те, нақты іске келгенде бұл салада олқылықтар мен кемшіліктер көп. Сондықтан Үкімет туризмді дамытуға мейлінше көбірек инвестиция тарту үшін қосымша шараларды ұсынады», – деді Президент.
Естеріңізге сала кетейік, Atasu Group – Қазақстандағы ең ірі логистика компаниясы. Компания осы өзгерістер мен инвестициялық мүмкіндіктерді іске асыруда белсенді рөл атқаратыны белгілі. Компания келесі негізгі қызметтерді ұсынады:
- Жүк тасымалы қызметтері: Теміржол, автомобиль, әуе және мультимодальді тасымал арқылы күрделі әрі жеңіл жүктерді жеткізу;
- Логистикалық инфрақұрылым: Өз меншігіндегі терминалдар мен қоймалар (жалпы ауданы 50 000 шаршы метрден астам) арқылы жүктерді өңдеу мен сақтау;
- Қосымша қызметтер: Кедендік, брокерлік қызметтері.
1998 жылы негізі қаланған компания 23 жылдан астам табысты қызмет етіп, сенімді және тұрақты серіктес ретінде танылды. Atasu Group-тың негізін қалаушы және директорлар кеңесінің төрағасы – Марат Жұман мырза. Компания әлеуметтік жауапкершілікке үлкен мән беріп, 2021 жылдан бастап шығармашылық индустрия мен туризмді қолдау мақсатында айтарлықтай қаржы салымдарын жасады. Atasu Group Қазақстандағы Еуропалық бизнес қауымдастығының мүшесі ретінде де өз үлесін қосуда. 2024 жылдың соңғы мен 2025 жылдың басынан бастап компания IT және жасанды интеллектті дамытуға күш сала бастады.
Марат Жұман компания басшысы ретінде, елдің стратегиялық даму бағдарламалары мен ірі бизнес өкілдерінің бірлескен күш-жігерінің Қазақстан экономикасының болашағына оң әсер ететініне сенімін білдірді. Ол бүгінгі кездесу елдің жаңа экономикалық кезеңге қадам басуы үшін серпіліс болып, мемлекет пен кәсіпкерлер арасындағы ынтымақтастықтың маңыздылығын тағы бір мәрте айқындады.
Бұл кездесу еліміздің бизнес және мемлекеттік секторларының ортақ мақсатқа – экономиканы дамыту, инновацияларды енгізу және инфрақұрылымды жетілдіру – бағытталған күш-жігерінің айқын көрінісі болып отыр.
