Polisia.kz
Астана қаласында полиция қызметкерлері Бұқар Жырау көшесінде «Chevrolet Cobalt» автокөлігін тоқтатып, тексеру барысында көлік тізгінінде бұрын жүргізуші куәлігінен айырылған 33 жастағы әйелдің отырғанын анықтады, деп хабарлайды Todayinfo.
Заңға бағынбаған азаматшаға қатысты әкімшілік іс қозғалып, оның көлігі айып тұрағына қойылды. Материалдар сотқа жолданды.
Астана қаласының мамандандырылған ауданаралық әкімшілік соты құқық бұзушыға 50 АЕК (172 500 теңге) мөлшерінде айыппұл салу туралы шешім қабылдады.
Полиция қызметкерлері жүргізушілерге жол қозғалысы ережелерін қатаң сақтаудың және көлікті тек заңды негізде басқарудың маңыздылығын ескертеді.
