фото: Sn.kz
Алматы әуежайында адамды кепілге алған қаскөйдің пышағын тартып алған азамат «Жігіттер» квартетінің әншісі Бағлан Әбдірайымовтың ағасы Мұса Сайрамбайұлы болып шықты, деп хабарлайды Todayinfo ақпарттық агенттігі.
Ержүрек азамат туралы не белгілі?
Бұл туралы Бағлан Әбдірайымов әлеуметтік желідегі парақшасында жазды. Оның айтуынша, Мұса Сайрамбайұлы 1973 жылы Түркістан облысы, Түлкібас ауданы, Күмісбастау ауылында дүниеге келген. Ол 9 баланың кенжесі және кәсіби спортпен шұғылданған. Бүгінде 5 баланың әкесі.
Әнші ағасының батылдығына таңданып, оны мақтан тұтатынын жеткізді:
«Бүгінгі ерлігі елді дүр сілкіндірді. Намысты жігіттердің бәрі сондай батылдық жасар еді. Ешкім «батыр боламын» деп жүрмейді. Дер кезінде дұрыс шешім қабылдап, өміріңізді қатерге тіккеніңіз ерлік! Бұлай ГЕРОЙ боларын білгенде, таңертең Қостанайға ұшқанда бірге суретке түсіп алар едік.»
Батыл азамат марапатқа ұсынылды
Әншінің айтуынша, Мұса Сайрамбайұлы мемлекеттік марапатқа ұсынылған. Оның батыл әрекеті қоғамда үлкен қолдау тапты.
