Елімізде жаңа қала пайда болды. Бұл туралы Президенттің жарлығы шықты, деп хабарлайды Todayinfo.kz.
«Алматы облысының Іле ауданы одан Жетіген ауылын бөлу жолымен қайта ұйымдастырылсын. Алматы облысы Іле ауданының Жетіген ауылы облыстық маңызы бар қала санатына жатқызылсын және оның атауы Алатау қаласы болып өзгертілсін» делінген қаулыда.
Жарлық алғашқы ресми жарияланған күнінен бастап қолданысқа енгізіледі.
Қаланың ауданы — 88 мың гектар. Онда бүгінде 52,7 мың адам тұрады. Жаңа шаһар әрқайсысының өзіндік даму бағыты бар төрт ауданға бөлінбек: инвестициялық аймақ – Гейт сити, ауыл шаруашылығы аймағы – Голден ауданы, жаңа кәсіпорындары бар – Гровен ауданы, туристік аймақ – Грин сити болмақ. Алатау қаласы бас жоспарының архитекторы Серсембек Жүнісовтың айтуынша, жаңа қала болашақта экономикалық аймаққа айналады.
фото: ашық дереккөзден
Todayinfo.kz
