Алматыда әртүрлі діни ұйымдард су тасқынынан зардап шеккен тұрғындарға көмек көрсетті, деп хабарлайды Todayinfo ақпараттық агенттігінің тілшісі.
Көктемнен бері қиналып жатқан солтүстіктегі тұрғындарға қол ұшын созу туралы бастаманы Алматы қалалық Дін істері басқармасы көтерген еді. Олар ауқымды жұмысты атқару үшін бейресми алаң — діни бірлестіктер көшбасшыларының клубында жиналып, ақылдасты.
«Алматы қаласының Дін істері басқармасы Алматы клубының алаңында бірігіп, зардап шеккендерге қолдан келгенше көмек көрсету туралы бастама көтерді. Қатысушылардың басым бөлігі бізді қолдады және нәтижесінде қысқа мерзімде 8 миллион 720 мың теңге жиналды. Бұл тарихтағы ең құнды нәрсе — әртүрлі діни конфессиялардың өкілдерінің өзара бірігіп қимылдауы еді. Мұсылмандар, буддистер, мормондар, кришналар, протестанттық конфессиялардың өкілдері өзара табысты жұмыс істеу мен бірліктің үлгісін көрсетті», — деп атап өтті Алматы қаласы Дін істері басқармасының басшысы Нұрлан Қиқымов.
Жиналған қаражатқа зардап шеккен азаматтар үшін 68 бірлік тұрмыстық техника сатып алынды. Көмек барынша жылдам көрсетілді. Ұйымдастырушылар зардап шеккендердің қажеттіліктерін ескеруге тырысты.
«Алматы қалалық Дін істері басқармасына бізді ауыр жағдайда қараусыз қалдырмағандарына рахмет айтамыз. Су тасқынынан біздің үйіміз бүлінген. Баспанамыз қайта жөндеуге келмейді. Бізге қол ұшын созған барлығын жандарға алғысымыз шексіз», — деді СҚО тұрғыны.
Айта кету керек, көптеген діни бірлестіктер қайырымдылық көмекті өздері де жекелей жүзеге асырды. Бұл акцияны діни бірлестіктердің өзара татулық пен сыйластықтың айқын көрінісі деп санауға болады.
«Сәуірдің 13 күні үйім суға кетті. Мен Петропавл қаласының тұрғынымын. Қиын жағдайда маған қажетті заттарымызды алып берген діни ұйымдардың, діни бірлестіктердің жетекшілеріне, ризашылығымды білдіргім келеді. Менің барлық тұрмыстық техникаларым суға батып кетті», -деді тағы бір қала тұрғыны.
Акцияны іске асыруға көптеген діни ұйымдар белсене ат салысты. Негізгі үйлестіруші болған «Social Development Center» қоғамдық қоры болса, Солтүстік Қазақстан облысындағы «Демеу «балалық шақ мәселелері жөніндегі үйлестіру орталығы» және Солтүстік Қазақстан облысының дін істері басқармасы да бұл іске белсенді қатысты.
Төменде қайырымдылық көмек көрсеткен ұйымдардың тізімі берілген:
- Алматы қаласының орталық мешіті (ҚМДБ).
- Иса Мәсіхтің Соңғы Күнгі Әулиелер Шіркеуі.
- Алматы қаласындағы «өмір көзі» Христиан Евангелиялық елуінші күндік шіркеуі.
- Евангелиялық сенім христиандарының шіркеуі «Жаңа өмір».
- Алматы қаласындағы христиан Жаңа апостолдық шіркеуі.
- Інжіл Христиандары Баптистерінің «Кальварий» Шіркеуінің Орталығы.
- Әулие елшілер Петр мен Павелдің Евангелиялық-лютерандық шіркеуі.
- «Агапе» Евангелиялық христиан шіркеуі.
- Алматы қаласының Кришна сана қоғамы.
- «Алмагүл» Пресвитериан Шіркеуі.
- «Вон буддистер» Алматы шіркеуі.
- «Сун Бок Ата» Алматы Евангелиялық Христиан Шіркеуі.
- Толық Інжіл Христиан Шіркеуі «Құдай Сөзі».
- Алматы қаласының жетінші күніндегі адвентист христиандардың жергілікті шіркеуі.
- «Social Development Center» қоғамдық қоры
