Ақтау қаласы әкімінің бұрынғы орынбасары Тимур Сәдуақасовқа іздеу жарияланды

Фото: 716.kz Солтүстік Қазақстан облысының экономикалық тергеу департаменті Ақтау қаласы әкімінің бұрынғы орынбасары Тимур Сәдуақасовқа іздеу салды, деп хабарлайды Тodayinfo ақпараттық порталы. Құқықтық статистика және арнайы есепке алу порталының мәліметінше, Сәдуақасовқа іздеу 2025 жылдың 5 ақпанынан бастап жарияланған. Заңсыз пайдалы қазба өндіру ісі бойынша күдіктілер Солтүстік Қазақстан облысындағы заңсыз пайдалы қазбалар өндіру ісінде Тимур Сәдуақасов төрт күдіктінің бірі ретінде тергелуде. Бұл істің негізгі айыпталушылары — Обухов тау-байыту комбинатының тең төрағасы Виктор Долгалев пен оның ұлы Данил Долгалев. Оларға жер қойнауын өз бетінше пайдаланғаны және заңсыз кәсіпкерлікпен айналысқаны үшін айып тағылған. Ал Тимур Сәдуақасов пен Санат Құрманбаевқа пара беруге итермелеу және алаяқтық баптары бойынша айып тағылып отыр. Тимур Сәдуақасовтың еңбек жолы Тимур Сәдуақасов – «Әділет» жоғары құқық мектебінің түлегі, заңгер мамандығын алған. Сонымен қатар, Көкшетау экономика және менеджмент институтында қаржы мамандығы бойынша бакалавр дәрежесін иеленген. Ол 2019 жылдың ақпан айында Ақтау қаласы әкімінің орынбасары қызметіне тағайындалған.