Бұқар жырау ауданының Үштөбе ауылдық округінде тұратын төрт баланың анасы Индира Белғазы балалар мен әйелдерге арналған трендтік ұлттық киім тігеді. Оның бұйымдары сұранысқа ие және олардың әрқайсысына шебер бар жан жылуын ғана емес, қазақ халқының сан ғасырлық дәстүрлерін де салуға тырысады.
Білімі бойынша Индира саясаттанушы.
Бірақ өмір жолы оны ЖК ашып, жанына жақын және қымбат нәрсені қолға алуға итермерлеген.
Шебер балалардың шапандары, тақия, камзолдар, құрақ көрпе және қазақ салт-дәстүрлеріне арналған бұйымдар жасайды. Әрбір ілмек – жай тігіс емес, тарихтың болашақ ұрпақ үшін маңызды бөлігі.
– Бұл ісім балаларыма шапан тігуден басталды. Балабақшаға бердік. Басқа аналар менің бұйымдарымды бірден байқады. Осылайша алғашқы тапсырыстар пайда болды, – дейді Индира.
Оның киімдері – заманауи стильдегі элементтері бар этно киім.
Облыстық NAURYZ-FASHION этно-заманауи киімдер фестивалінде Индира өз жұмыстарын танымал дизайнерлермен бірге ұсынды.
Бұл тәжірибе оған өз ісіне деген сенімін арттырып, одан әрі ілгерілеу ниетін нығайтты.
– Ұлттық киім бүгінде күнделікті өмірге оралып келеді. Бұл тамаша. Мен әрдайым сәнді киім тек мереке күндері ғана емес, күн сайын киілуі тиіс деп ойладым, – дейді Индира.
Қазір ұлттық киімге сұраныс артуда. Оны балабақшалар, мектептер үшін сатып алып, осылайша қазақтың түп тамыры мен мәдениеті дәріптелуде.
Ал Индира балаларының да анасы сияқты салт-дәстүрге деген сүйіспеншілікті бойына сіңіріп, қазақ халқының мәдениетімен және тұрмысымен әлемді таныстыруды жалғастыра беруін қалайды.
