Жүрегіне оқ тиген: Сарыөзекте тағы бір сарбаз көз жұмды

Жетісу облысының Кербұлақ ауданында орналасқан №12740 әскери бөлімінде 18 жастағы сарбаз қайтыс болды. Сарыөзек әскери гарнизонындағы сарбаз автоматтың оғынан қайтыс болған, деп хабарлайды Todayinfo.

                                     Оқиғаның Мән-жайы

14 қаңтар күні сағат 12:30 шамасында, мерзімді әскери қызмет атқарушы қатардағы жауынгер Құрманбек Дастан Маратұлы (04.06.2006 ж.) АК-74 қаруымен жүрек тұсына оқ атып, сол жерде көз жұмған. Қазіргі уақытта қайғылы оқиғаның себептері тексеріліп, тергеу амалдары жүргізілуде. Сарбаздың өлімі бойынша қылмыстық іс қозғалғаны белгілі болды.

                                      Тергеу барысы

Оқиғаға қатысты тергеу органдары жауапты тұлғаларды анықтау және оқиғаның толық мән-жайын зерттеумен айналысуда. Әскери бөлімдегі жағдай мен сарбаздың психологиялық ахуалы да тексерілуде.