Әлем чемпионының сыйақысы эскорт қыздың бір түнімен тең- Қуат Хамитов

Аралас жекпе-жек шебері Қуат Хамитов мемлекет тарапынан спортшыларға берілетін сыйақыны эскорт қыздардың бір түндік бағасымен салыстырып, елді шулатты, деп  хабарлайды Todayinfo. Қуат Хамитов Instagram парақшасында әлем чемпионатының алтын жүлдесі үшін берілетін 15 000 долларды мазақ етіп, оны "ешнәрсеге тұрмайтын ақша" деп бағалады.

«Егер мемлекет маған әлем чемпионатының алтыны үшін 15 000 доллар берсе, мен Мұхаммед Әли сияқты бұл ақшаны медальмен бірге лақтырып жіберер едім! Тек өзенге емес, дәретханаға! Маған бір түнде эскорт қыз алатын сыйақымен бірдей ақша не үшін керек?! Иә, балаларды спортқа бермеңіздер, бұл жай ғана азап», – деді спортшы.

Хамитов спортшылардың жалақысын футболшылардың табысымен салыстырып, әділетсіздікке наразылық білдірді. Айта кетейік, "Ордабасы" футбол клубының капитаны Асхат Тағыбергеннің айлық жалақысы 20 миллион теңге екені белгілі болды.