Air Astana Таяу Шығысқа рейстерді қайта қалпына келтіруді жоспарлап отыр

2025 жылғы 25 маусымнан бастап Air Astana әуе компаниясы Таяу Шығыс бағытындағы тұрақты рейстерін қалпына келтіруді жоспарлап отыр. Бұл шешім тек атысты тоқтату туралы ресми хабарлама жарияланған жағдайда ғана жүзеге асады,деп хабарлайды Todayinfo. Қазіргі таңда Алматы–Дубай және Алматы–Доха бағыттарына жоспарланған рейстер кейінге шегерілген. Компанияның мәлімдеуінше, жағдай ушығып кетсе, барлық рейстер уақытша тоқтатылады. Air Astana жолаушылардан өз рейстерінің мәртебесін ресми сайттан бақылап отыруды сұрады. Компания қауіпсіздікті басты басымдық ретінде қарайтынын және жағдайды мұқият қадағалап отырғанын жеткізді.