Алматы облысында ауыл мектебінің түлегі 140 балл жинаған

Алматы облысында ауыл мектебінің түлегі ҰБТ-дан 140 балл жинап, ел бойынша үздік атанды, деп хабарлайды Todayinfo агенттігі.  Ұлттық бірыңғай тестілеуде сүрінбеген оқушының аты-жөні Еңсебек Жаннұр. Ол Алматы облысы, Талғар ауданы, Қарабұлақ ауылының №22 жалпы білім беретін орта мектебінің түлегі. Осылайша орта мектептің түлегі, ауыл баласы ең жоғары балл жинап  отыр.  Бұған дейін  жаңаөзендік Абзал Оңғарбаев 139 балл жинап, ең үздік нәтиже көрсеткен еді. Кентаулық түлек Айдос Қожанов та ұлттық бірыңғай тестілеуде  жоғары нәтижеге қол жеткізіп, 138 балл жинаған. Ұлттық тестілеу орталығы негізгі ҰБТ-ның аралық қорытындысын жариялаған.