Алматыда автобус жүргізушісі рөлде отырып, кенеттен қайтыс болды. Жолаушының ерлігінің арқасында ірі жол апатының алдын алу мүмкін болды.
Алматыда қоғамдық көлік жүргізушісі рөлде отырып кенеттен көз жұмды, алайда жолаушылардың бірінің ерлігі ірі апаттың алдын алды, деп хабарлайды
Todayinfo ақпарат агенттігі.
Қайғылы оқиға 25 қаңтарда Абай даңғылы мен Саин көшесінің қиылысында болған. Автобус бағдаршамға жақындаған сәтте жүргізушінің жағдайы кенеттен нашарлап кеткен.
"Жолаушылардың бірі тез әрекет етіп, жүргізуші кабинасына кіріп, тежегішті басты. Осылайша ол ықтимал апаттың алдын алды. Жолаушылар дереу жедел жәрдем шақырды. Оқиға орнына келген медициналық бригада жүргізушінің қайтыс болғанын растады. Алдын ала диагноз – миокардтың жедел инфаркті", - деп хабарлады тасымалдаушы компания.
Марқұмның сол күні таңертең міндетті рейс алдындағы медициналық тексеруден өткені белгілі болды. Ол "Алматыэлектротранс" компаниясында 2023 жылдың тамыз айынан бері жұмыс істеген.
"Автобус техникалық зақымданбаған, жолаушылар арасында зардап шеккендер жоқ. Қажетті тергеу шараларынан кейін көлік автопаркке жеткізілді", - деп толықтырды компания өкілдері.
Компания басшылығы марқұмның отбасы мен туыстарына көңіл айтып, қажетті көмек көрсетілетінін жеткізді.
Фото: Әлеуметтік желіден
