АҚШ Президенті Дональд Трамп пен оның саяси әрі жеке күн тәртібі Республикалық партияға 2026 жылғы аралық сайлауларда зиянын тигізеді. Бұл туралы Трамп жайлы бірнеше өткір кітап жазған автор Майкл Вулф The Daily Beast подкастында айтты.
«Негізінде, Дональд Трамп – өз-өзін құртып жатқан тұлға», – деді Вулф. Оның пікірінше, Трамптың қазіргі әрекеттері Республикалық партияға көмектесудің орнына, Ақ үйден айырылуына әкеледі.
«Қазір жасап жатқан қадамдарының бәрі – өкілдер палатасын жоғалтуға апаратын жол. Мен Республикалық партияның үлкен жеңілісін күтіп отырмын», – деді ол жүргізуші Джоанна Коулзға.
Демократтар үшін қолайлы мүмкіндік
Қазір Республикалық партия Өкілдер палатасында 1930 жылдан бергі ең азшылық басымдыққа ие. Демократтарға палатаны қайтару үшін небәрі үш орын жеткілікті. Мұндай жағдайда, тарихи үрдіске сай, биліктегі президенттің партиясы аралық сайлауларда жиі ұтылатындықтан, олардың мүмкіндігі жоғары.
Мысалы, 2018 жылғы аралық сайлауда (Трамптың бірінші мерзімінде) Демократтар 40 орынға ие болып, палата бақылауын өз қолына алған.
2028 жылғы сайлау және Трамптың көлеңкесі
Республикалық партия үшін жаман жаңалық мұнымен шектелмейді. Вулфтың айтуынша, Трамп 2028 жылы сайлауға өз «мұрагерін» ұсынады. Бірақ ол адам сайлауда жеңілетін болады, себебі:
«Ол адамды (Трамп) өзі-ақ құртады, өйткені ешкімнің одан озғанын қаламайды», – дейді Вулф. Ол Трамптың Республикалық партиядағы үстемдігін сақтау үшін кез келген қадамға баратынын айтты.
Трамп – қайшылықты, бірақ көз тартарлық тұлға
Сонымен бірге, Вулф Трампты АҚШ-тағы ең назар аударарлық саясаткер деп сипаттайды:
«Оны бақыламай тұра алмайсың. Өзін-өзі сендіру деңгейі соншалық, ол бәрінен тартымды», – дейді ол.
Трамптың салмағы мен Оземпик жайлы
Соңғы айларда Трамптың айтарлықтай арықтағаны байқалған. Жүргізуші Коулз: «Ол салмақ тастайтын дәрі ішіп жүр ме?» – деп сұрағанда, Вулф:
«Ойымша, ол Оземпик қабылдап жүр – Мар-а-Лаго террасасындағылар солай дейді», – деп жауап берді.
Майкл Вулф 2025 жылғы ақпанда “All or Nothing: How Trump Recaptured America”(«Бәрі немесе Ештеңе: Трамп Американы қалай қайта қолға алды») атты жаңа кітабын жарыққа шығарған болатын.
https://youtu.be/m2J6jS6r8I4
