Ақмола облысында трактор кішкентай қызды қағып кетті: полиция оқиғаны желіден білді

Ақмола облысының Зеренді ауылында орын алған жол-көлік оқиғасы қоғам назарын аудартты. Әлеуметтік желіде таралған видеодан кейін белгілі болғандай, трактор жүргізушісі жолдан өтіп бара жатқан кішкентай қызды қағып кеткен,деп хабарлайды Todayinfo ақпараттық агенттігі. Бұл оқиға жайлы полиция алғашқыда әлеуметтік желі арқылы хабардар болған. Учаскелік полиция қызметкері видео тараған соң, оқиға орнына барып, жол апатына қатысушыларды анықтауға кіріскен.

«Оқиға 17 сәуір күні Ленин-Сейфуллин көшелерінің қиылысында орын алды. Трактор жүргізушісі ҚР ӘҚБтК-нің 600-бабы 1-бөлігі, 595-бабы 1-бөлігі және 611-бабы 2-бөлігі бойынша жауапқа тартылды», – деп мәлімдеді облыстық полиция департаменті.

Оқиғаға байланысты сот-медициналық сараптама тағайындалған. Қазіргі таңда оның нәтижелері күтілуде. Құқық қорғау органдары сараптама қорытындысына сәйкес қосымша шаралар қабылдайтынын мәлімдеді.   <script async src="https://telegram.org/js/telegram-widget.js?22"></script>