Президенттің көмекшісі – Баспасөз хатшысы қызметін атқарған Руслан Желдібай лауазымынан босатылды, деп хабарлайды Todayinfo ақпарат агенттігі.
Мемлекет басшысы Қасым-Жомарт Тоқаев оны қызметінен босату туралы тиісті жарлыққа қол қойды. Бұл ақпарат Ақорданың ресми сайтында жарияланды.
"Мемлекет басшысының Жарлығымен Руслан Сұлтанұлы Желдібай Қазақстан Республикасы Президентінің көмекшісі – Президенттің Баспасөз хатшысы лауазымынан босатылды", - делінген ресми хабарламада.
Руслан Желдібай бұл лауазымға 2022 жылдың қыркүйегінде тағайындалып, Берік Уәлиді алмастырған еді. Оның қызметтен кету себебі мен орнына кімнің келетіні әзірге белгісіз.
Фото: Ақорда
